स्वतःची स्वप्न स्वतःच्या कल्पना जाणून आयुष्य खरंच परिपूर्णतेने, आनंदाने जगण्याची तसेच आयुष्यात काहीतरी महत्त्वपूर्ण कमविण्याची, मिळविण्याची इच्छा असणाऱ्या प्रत्येकाने हे पुस्तक अवश्य वाचावे. अगदी आपण लहानपणासून स्पर्धेच्या वातावरणात राहतोय, किंबहुना ह्या स्पर्धेलाच आपली संस्कृती मानतोय. त्यामुळे काही वर्षांच्या कालावधीनंतर या स्पर्धेमुळे मनामध्ये एक रीतेपणा निर्माण होत आहे. कराव्या लागतात म्हणून काही गोष्टी करतोय ही मानसिकता वाढते. असा जगण्यातला अर्थ कमी होत आहे. जगण्यासाठी कुठल्याही परिस्थितीत उद्देश शोधण्याच्या आपल्या क्षमतेची जाणीव व्हावी व त्यासाठी आपण अंतरंगातील होकायंत्राशी मैत्री कशी करायची ते या पुस्तकातून तुम्हाला समजेल. स्वतः मध्ये कोणते सुप्तगुण आहेत? ते कसे विकसित करायचे? स्वतः च्या आयुष्याचे ध्येय तरी काय आहे? या अश्या प्रश्नांची उत्तरे तुम्हाला या पुस्तकाच्या वाचनातून मिळतील.